2018 թվականին քաղաքացիները փակել են ձեր թալանի ծորակը. Սիսակ Գաբրիելյան
13:10 , 06.05.2022 Դիտումներ՝ 660 1lurer.am • Լուրեր • Ազատ խոսք
«Տևական ժամանակ է՝ դահլիճի այս կողմում պետք է գտնվեին անձինք, բայց չկան: Կարծես թե հերթական անգամ նրանք ստացել են իրենց աշխատավարձերը, որքանով որ տեղյակ եմ, որևէ մեկը չի հրաժարվել այս ամենից:
Ձեզանից շատերը երբեմն ասում են՝ ինչո՞ւ չեք անդրադառնում այս ընդդիմությանը: Ուզում եմ պարզապես ասել՝ սիրելի՛ քաղաքացիներ, ախր այս ընդդիմությունն իր խոսքով ինքն իրեն մաշեցրել է:
Ի՞նչ է ասում ընդդիմությունը՝ մոլորեցնելով մեր քաղաքացիներին, որ դուրս եկեք փողոց, որ թուրքը չգա մեր երկիր:
Հիշեցի լրագրողական տարիներիցս մի հոդված, որը հրապարակվել է այն կայքում, որտեղ աշխատել եմ: Խնդրում եմ, ուշադիր եղեք՝ ո՞վ է այս խոսքերի հեղինակը: Դպրոցի բացման ժամանակ մի բարձրաստիճան պաշտոնյա այդ ժամանակ ասել է. «Ես անկեղծորեն ցանկանում եմ, որ այս դպրոցում սովորեն նաև ադրբեջանցի երեխաներ: Ես վստահ եմ, որ այդ օրը գալու է, և ցանկանում եմ, որ այդ օրը գա հնարավորինս շուտ»: 2014 թվական, Սերժ Սարգսյան:
Հիմա, հարգելի՛ պարոն Վանեցյան, երբ դուք դռնեդուռ ընկած ասում եք՝ ժողովուրդ, դուրս եկեք փողոց, որպեսզի թուրքը չգա այս երկիր, դուք խափանո՞ւմ եք Սերժ Սարգսյանի երազանքը:
Կամ՝ երբ Իշխան Սաղաթելյանն ասում է՝ թալանը հետ ենք բերելու, դուք հասկանո՞ւմ եք, սիրելի՛ հայրենակիցներ, սրանով երկու բան են խոստովանում, որ թալանը եղել է, և որ թալանը հետ են բերելու: Որ թալանը եղել է, այստեղ տրամաբանական հարց է առաջանում՝ հետ բերել նկատի ունեք, որ ձե՞զ եք հետ բերելու, որովհետև մենք խոստացել ենք, որ թալանը հետ ենք բերելու պետական բյուջե, իսկ դուք նախ ընդունում եք, որ թալանը կա, և նաև հայտարարում, որ այն հետ եք բերելու:
2018 թվականին քաղաքացիները փակել են ձեր թալանի ծորակի փականը, և հիմա խոր գործընթաց է գնում այդ թալանը պետական բյուջե վերադարձնելու համար»,- ասաց Գաբրիելյանը:
Կիսվեք սոց. ցանցերում
Материалов за текущий период нет.
