Ուիլ Սմիթի «օսկարյան» ապտակից հետո Քրիս Ռոքի ելույթների տոմսերի գները կտրուկ աճել են
16:11 , 30.03.2022 Դիտումներ՝ 166 Tert.am • Լուրեր • Մշակույթ
Ռոքի Ego Death համաշխարհային շրջագայության շրջանակում նրա շոուի տոմսերը 46 դոլարից հասել են 400 դոլարի։ Տոմսերի գնի նկտրուկ թռիչքն արձանագրվել է Սմիթի ապտակից հետո:
Հավելենք, որ 2022 թվականի «Օսկար»-ի մրցանակաբաշխության ժամանակ դերասան Ուիլ Սմիթի ապտակի տեսագրությունը YouTube-ում դիտումների ռեկորդ է սահմանել։ Տեսանյութը տեղադրվելուց հետո մեկ օրում դիտվել է ավելի քան 50 միլիոն անգամ։
Հիշեցնենք, որ դերասաններ Ուիլ Սմիթը և Քրիս Ռոքը վիճաբանել էին «Օսկար» մրցանակաբաշխության ժամանակ, երբ Ռոքը բեմ էր բարձրացել հայտարարելու «Լավագույն վավերագրական ֆիլմ» անվանակարգում հաղթողին:
Իր ելույթի ժամանակ Ռոքը կատակել է Ուիլ Սմիթի կնոջ՝ Ջադա Պինկետ-Սմիթի «զարմանալի, շատ կարճ մազերի» մասին, որը նրան հիշեցրել է «Զինվոր Ջեյն» ֆիլմը։ Ջադա Սմիթը նախկինում խոստովանել է, որ տառապում է ալոպեցիայից՝ աուտոիմուն հիվանդությամբ, որը հանգեցնում է մազաթափության։ Սմիթը սկզբում զուսպ ծիծաղել է, իսկ հետո բարձրացել է բեմ ու բռունցքով հարվածել Ռոքի դեմքին։ Այդ պահին հեռարձակումն անջատվել է։
Կիսվեք սոց. ցանցերում
Материалов за текущий период нет.
