Մայիսի 16-17-ը Մոսկվայում կկայանա սահմանազատման հարցով հանձնաժողովի նիստը. Միրզոյան
18:05 , 12.05.2022 Դիտումներ՝ 759 hy.armradio.am • Լուրեր • Քաղաքականություն
«Ցանկանում եմ տեղեկացնել, որ մենք զրուցել ենք մեր ադրբեջանցի գործընկերների հետ սահմանազատման և սահմանների անվտանգության հանձնաժողովներ ստեղծելու հարցի շուրջ, և կարծես թե փոխվարչապետ (ՌԴ Ալեքսեյ) Օվերչուկի հետ պայմանավորվածություն կա, որ մայիսի 16-17-ը Մոսկվայում հանդիպում կլինի կոմունիկացիաների հարցով, և կա նաև պայմանավորվածություն, որ նույն օրերին Մոսկվայում կկազմակերպվի երկկողմ հանդիպում սահմանազատման և սահմանների անվտանգության վերաբերյալ»,- ասել է Միրզոյանը ՌԴ ԱԳ նախարար Սերգեյ Լավրովի հետ հանդիպմանը։
Ապրիլի 6-ին Ադրբեջանի նախագահ Իլհամ Ալիևի, ՀՀ վարչապետ Նիկոլ Փաշինյանի և Եվրոպական խորհրդի նախագահ Շառլ Միշելի մասնակցությամբ Բրյուսելում կայացած հանդիպմանը ձեռք բերված պայմանավորվածության համաձայն՝ Բաքուն և Երևանը պետք է սահմանազատման համատեղ սահմանային հանձնաժողով կազմեին, որի առաջին հանդիպումը նախատեսվում էր անցկացնել մինչև ապրիլի վերջ։
Կիսվեք սոց. ցանցերում
Материалов за текущий период нет.
